Podcast

Fonteam YouTube-арнасындағы кезекті подкастта Қазақстан Премьер-лигасының бесінші турына шолу жасалды.

Подкаст резиденті Олжас Байбосын астаналық "Жеңіс" жайлы өз пікірін білдірді:

"Жеңісте" мәселе көп. Әли Әлиевті ұлттық құрамаға барған кезде, жас маман, ұлттық құраманы дайындай алмайды. Жас мамандар клубта жұмыс істеу қажет деп айтып еді барлығы. Маусым өте сәтсіз басталды, бұл кісіге қиын болып жатқан шығар.

Одан бөлек, спорт журналисі Әлиевтің бұрынғы клубымен кезінде соттасқанын атап өтті:

Қателеспесем, Әли Әлиев "Қызылжармен" соттасты ғой. Қазір енді келіп, ірі есеппен жеңіліп отыр, - деді Олжас Байбосын.

Fonteam YouTube-арнасында шыққан подкастта Қазақстан Премьер-лигасының бесінші турына шолу жасалды.

Подкаст барысында Ерсін Ерік Қазақстан кубогының регламентіне қатысты сын білдірді:

"Қазақстан кубогының өткен кезеңі әділетсіз болды. Неге Премьер-лига командалары төменгі дивизион ұжымдарына қарсы легионерлер шығарады? Тек "Астана" мен "Қайрат" қана лайықты болған, жастарымен ойнады түгел", - деді Ерсін Ерік.

Fonteam YouTube-арнасының подкастында Қазақстан Премьер-лигасының бесінші турына шолу жасалды.

Подкасттың жүргізушісі Әлімжан Асқар "Ақтөбе" командасының жұлдызы Луиш Наниге қатысты өз пікірін білдірді:

"Өкінішке қарай, "Ақтөбе" командасында көп нәрсені түсінбей жатырмын. Наниға қатысты айтатын болсақ, стандарттарды Нани орындайды, бірақ, тепкен добы Португалияға, айдалаға ұшып жатыр. Бұл бір,екіншіден, стандартты жақсы орындайтын Наниден басқа да ойыншылар бар".

Футбол маманы "қызыл-ақтардың" чемпиондыққа таласатынына да күмән келтірді:

"Қайрат" капитаны Александр Мартынович Наниге қатысты пікір білдірген екен, айтқанымен келісемін. "Ақтөбеге" Нани келеді, ол бастамасы болады, одан кейін тағы мықты ойыншылар қосылады, сосын команда чемпиондыққа таласады деп. Бірақ өкінішке орай, бүгін де "Кәспийге" қарсы чемпиондық ойынды көрмедім", - деді Әлімжан Асқар.

Fonteam YouTube-арнасының подкастында Қазақстан Премьер-лигасының бесінші турына шолу жасалды. Подкаст барысында ұлттық құрама бапкерінің көмекшісі Елдос Ахметов "Ақтөбе" – "Каспий" ойынына тоқталып, "қызыл-ақтардың" жаңа бапкері жайлы өз пікірін білдірді:

"Ақтөбе" бапкеріне келетін болсақ, жұмыс істеліп жатыр, көрініп тұр. Ойыншылардың тактикасы өзгертіліп, көп шабуылға көңіл бөлетін болған. Артур Шушеначевтің де қанжығасы майланды. Артур пенальтиден гол соқты, бірақ пенальти 100% әділ болды", - деді Ахметов.

Жас бапкер қонақтардың да ойынына тоқталып кетті:

"Каспийге" келетін болсақ, олар әлі өз ойын таппаған сияқты", - деді маман.

Fonteam YouTube-арнасында шыққан подкастта Чемпиондар лигасының ширек финалдық ойындары талқыға түсті.

"Реал Мадрид" пен "Бавария" арасындағы ойын жайлы пікір білдірген Ерсін Ерік былай деді:

"Олисе шешіп кетті (ойын тағдырын). Олисенің дриблингі, Каррерастан бірнеше рет оңай өтіп кетуі шешуші факторлар болды. Каррерас әлі дайын емес екен", – деді маман.

Естеріңізге салайық, Чемпиондар лигасының ширек финалының алғашқы ойынында мадридтік "Реал" өз алаңында мюнхендік "Баварияға" 1:2 есебімен есе жіберді. Жауапты ойын 16 сәуір күні, түнгі 00:00-ге жоспарланған.