Аңызға айналған «Боавишта» клубы жанкүйерлердің қолдауымен аман қалды

DarioAS мәліметінше, қаржылық дағдарысқа тап болған клубтың қызметін жалғастырып, инфрақұрылымын сақтап қалуға қажетті қаражат әлемнің түкпір-түкпіріндегі жанкүйерлердің көмегімен жиналған.

Құтқару науқанына мыңдаған футбол жанкүйерімен қатар бірнеше еуропалық клуб та қолдау білдірді. Олардың арасында «Боавиштаның» басты қарсыласы – «Портудың» президенті Андре Виллаш-Боаш та болды. Екі клуб арасындағы ежелгі бәсекелестікке қарамастан, ол тарихи команданың қиын кезеңде жоғалып кетпеуі үшін көмек көрсетуге шешім қабылдаған.

Бұл бастама португал футболындағы ынтымақтастықтың жарқын үлгісіне айналып, футбол қауымдастығының тарихи клубтарды сақтап қалу жолында біріге алатынын көрсетті. Жиналған қаражат «Боавиштаға» өз жұмысын жалғастырып, клуб инфрақұрылымын сақтап қалуға мүмкіндік береді.

Қазірдің өзінде бұл оқиға әлем футболындағы ең әсерлі қолдау акцияларының бірі ретінде бағаланып отыр.

Айта кетейік, «Боавишта» 1903 жылы құрылған. Клуб Португалия чемпионатын жеңіп алған санаулы бес команданың бірі саналады. Бұл тізімге сондай-ақ «Бенфика», «Порту», «Спортинг» және «Белененсеш» кіреді. Соңғы жылдары «Боавишта» ауыр қаржылық қиындықтарға тап болып, клубтың өмір сүруіне қауіп төнген еді.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.