Жоау Пауло: «Анарбектің қақпасына пенальти тебуге батпас едім»

Екінші іріктеу кезеңінде «Қайрат» Кипрдің «Омониясымен» кездесті. Қос матчтың шешуші ойынында негізгі уақыт Эдмилсонның голының арқасында 1:0 есебімен аяқталды. Жеңімпаз пенальти сериясында анықталып, Рафаэль Уразбахтиннің шәкірттері 6:5 есебімен басым түсіп, турнирдегі жорығын жалғастырды.

Бразилиялық шабуылшы әсіресе қақпашы Анарбектің пенальти сериясындағы сенімді ойынын ерекше атап өтті.

«Барлық жанкүйерді осы тамаша жеңіспен құттықтаймын. Пенальти сериясында тағы да өзін керемет қырынан көрсеткен Анарбекті ерекше айтқым келеді. Шынымды айтсам, мен оның қақпасына пенальти тебуге бармас едім. "Қайратқа" алдағы кездесулерде сәттілік тілеймін», – деді Жоау Пауло.

38 жастағы шабуылшы Қазақстанда алты жыл өнер көрсетіп, «Ордабасы» мен «Қайраттың» намысын қорғады. Ол ҚПЛ-да 2020 және 2023 жылғы маусымдардың үздік сұрмергені атанып, ел чемпионатының ең нәтижелі ойыншыларының бірі болды.

Жоау Пауло соңғы ресми матчын 2025 жылдың мамыр айында өткізіп, кейін ауыр жарақат салдарынан ұзақ уақыт алаңға шыға алмады. Ал 2026 жылдың басында «Қайратпен» қош айтысты.

Енді алматылық ұжым Чемпиондар лигасының үшінші іріктеу кезеңінде Болгарияның «Левски» клубымен кездеседі. Болгариялық команда алдыңғы кезеңде Румынияның «Университатя Крайова» клубын екі матч қорытындысында 3:2 есебімен жеңіп шыққан.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.