«Оқжетпес» «Астананы» жеңіп, ҚПЛ-дың үздік үштігіне бекіді

Алғашқы таймда командалар бірдей деңгейде ойнап, алаң иелері сәл басымдық танытты. Үзіліске кокшетаулық команда минималды басымдықпен кетті. Лотоцкий қосымша уақытта алаң иелерін алға шығарды.

Екінші таймда «Оқжетпес» есепті ұстап ойнады, ал қонақтар бұған жауап қайтара алмады. Оған қоса, матч соңында астаналықтар сапында Башич тікелей қызыл қағаз алып, командасы азшылықта қалды.

Бұл жеңістен кейін Көкшетау ұжымы ҚПЛ турнир кестесінде 19 ұпаймен үшінші орынға орнықты. Григорий Бабаянның командасы 15 ұпаймен бесінші сатыда.

ҚПЛ, 10-тур

«Оқжетпес» – «Астана» 1:0

Гол: Лотоцкий, 45+3

Қызыл қағаз: Башич, 80, («Астана»)