Максим Самородов "Ахматтағы" өз ойыны жайлы пікір білдірді

Грозныйдың «Ахмат» клубы мен Қазақстан құрамасының шабуылшысы Максим Самородов «Пари НН»-мен өткен матчта команда бірінші таймдағы қателіктерін түзеп, жеңіске жеткенін айтты, деп хабарлайды Matchtv.ru.

РПЛ-дің 28-туры аясындағы кездесу жексенбі күні Грозныйда өтіп, «Ахматтың» 2:0 есебімен жеңісімен аяқталды. Голдар 56 және 60-минуттарда соғылды.

— Нәтижеге көңіліміз толады, біз үш ұпай алдық. Бірінші таймда қорғаныста түсініспеушіліктер болды, шабуылда бірнеше мүмкіндікті пайдалана алмадық. Жалпы алғанда, мықты қарсыласқа қарсы жақсы ойын көрсеттік.

— Үзілісте бапкер қандай түзетулер енгізді?

— Барлығымыз бірге бірінші таймдағы қателіктерді талдадық. Үзілістен кейін оларды түзетіп, соның арқасында екі гол соқтық.

— Өз ойыныңызға көңіліңіз тола ма?

— Өз ойыма баға беруді ұнатпаймын. Бірақ алаңда енжар болмауым керек, әрдайым командаға пайда келтіруге тырысамын. Гол соғу және нәтижелі пас беру — менің жұмысым.

— Алда махачкалалық «Динамоға» қарсы ойын бар. Жанкүйерлер бұл матчқа ерекше мән беруде.

— Тек жанкүйерлер ғана емес — біз үшін де бұл принципті матч. Қарсыласты талдаймыз, тек жеңіске үміт артамыз, — деді Самородов.

«Ахмат» 35 ұпаймен Ресей чемпионатының турнирлік кестесінде тоғызыншы орында тұр. Келесі турда команда 10 мамыр күні «Динамоны» өз алаңында қабылдайды.