Ұлттық құраманың экс-бапкері Беларусь клубын басқармақ

Бұған дейін маманның аталған клубқа тағайындалуы мүмкін екенін bel.football басылымы хабарлаған болатын.

— Сізде беларусьтік «МЛ Витебск» клубын басқару нұсқасы рас па?

— Иә, белгілі бір әңгімелер бар, келіссөздер жүріп жатыр. Бұл мүмкін, — деді Адиев «Чемпионат» тілшісі Владимир Четверикке берген сұхбатында.

Магомед Адиевтің соңғы жұмыс орны — самаралық «Крылья Советов» клубы болды, ол бұл командадан биылғы жылдың сәуір айында кеткен. Бұған дейін маманды шақыруға қазақстандық «Ақтөбе» де қызығушылық танытқан еді.