"Астана" мен "Қайрат" Қазақстан кубогында қосалқы құраммен ойнамақ

«29–30 сәуір күндері ҚПЛ-дың барлық командалары Қазақстан Кубогының 1/8 финал матчтарын өткізеді, ал бірнеше күннен кейін чемпионаттың VIII тур ойындары басталады.

Осындай тығыз кесте жағдайында, ойындар әр үш күн сайын өтіп жатқанда, құрам тереңдігі негізгі факторға айналады.

Ел чемпионы — алматылық „Қайрат“ кубок матчында жақын резервті пайдаланатынын мәлімдеді. Ал елордалық „Астана“ „Тобылға“ қарсы ойында ротация жасайды: негізгі құрамға бірнеше жас футболшы қосылуы мүмкін.

Премьер-лигадағы қалған клубтар, менің мәліметімше, матчтарға негізгі құраммен шығуды жоспарлап отыр», — деп жазды журналист өзінің Telegram-арнасында.

Қазақстан Кубогының 1/8 финалында «Қайрат» 29 сәуір күні сырт алаңда «Қайсарға» қарсы ойнайды. Сол күні «Астана» өз алаңында қостанайлық «Тобылды» қабылдайды.