Сатпаев «Челсиде» дебютін голмен аяқтады: Алонсо қазақстандықты 65-минутта алмастырды

Лондондық клубтың бас бапкері Хаби Алонсо жас шабуылшыны Австралиялық «Вестерн Сидней Уондерерс» командасына қарсы жолдастық кездесудің 65-минутында алмастырды.

Сатпаев алаңнан кеткен сәтте «көкелер» 2:3 есебімен жеңіліп жатқан еді. Ал ауыстырулардан кейін небәрі бір минут өткен соң, лондондықтар таразы басын теңестірді — Джейми Гиттенс есепті 3:3-ке жеткізді.

Қазақ футболшысы үшін бұл матч шын мәнінде жарқын өтті. Кездесудің жетінші минутында-ақ Сатпаев есеп ашып, «Челси» сапындағы алғашқы голын соқты.

Екінші таймда испандық бапкер команда құрамын түгелдей дерлік жаңартты, алаңға бастапқыда қосалқы құрамда отырған ойыншыларды шығарды. Сатпаевпен бірге алаңнан Лиам Делап, Лэндон Эменало, Тосин Адарабиойо және Омари Келлиман да кетті.

Олардың орнына «Челсидің» бірнеше жұлдызы шықты: Коул Палмер, Жуан Педро, Леви Колвилл, Уэсли Фофана, Роберт Санчес, Джейми Гиттенс, Эстевао Вильян, Аарон Ансельмино және Марко Палестра. Дәл осы Гиттенс алаңға шыққаннан кейін бірнеше минут ішінде есепті теңестіріп, жаңарған құрамның белсенділігін тиімді пайдаланды.

Алаңнан ауыстырылғанына қарамастан, Сатпаевтың дебютін сәтті деп бағалауға болады. Жас қазақстандық футболшы 65 минут бойы жарқырап, матчтың басында-ақ гол соғып, өз ойынымен жанкүйерлерге жағымды әсер қалдырды.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.