Қайрат Боранбаев: Алматыға Флорентино Перес келуі тиіс еді

«Реал» президенті Флорентино Перес «Қайратпен» болатын матч күні Алматыға ұшып келуі тиіс еді. Ал мадридтік клубтың ойыншылары мен қызметкерлері бір-екі күн бұрын келіп қойды. Біз басында «Реал» негізгі ойыншыларын толық әкелмейді деп ойладық. Оның үстіне, бұл сырт алаңда өткізгелі жатқан алғашқы матчтары болды. Бірақ барлық ойыншылары түгел келіп, матчқа деген қызығушылық одан әрі арта түсті», – деді Боранбаев Заmandas подкастына берген сұхбатында.

Осы маусымда «Қайрат» Чемпиондар лигасының екінші туры аясында Алматыда «Реалды» қабылдады. Матч 5:0 есебімен мадридтік клубтың пайдасына шешілді.