"Бавария" "Ньюкаслмен" Гордон бойынша келіссөздер жүргізуде

Германиялық «Бавария» мен ағылшындық «Ньюкасл» «сауысқандардың» шабуылшысы Энтони Гордонның трансферіне қатысты келіссөздер жүргізді. Бұл туралы X әлеуметтік желісінде журналист Флориан Плеттенберг хабарлады. Дереккөздің мәліметінше, Ағылшын Премьер-лигасы клубының бастапқы талабы — 90 млн еуро.

Дәл осы сома Гордонды сатып алуға ниетті басқа да үміткерлерге: «Барселона», «Арсенал» және «Ливерпульге» де айтылғаны хабарланды. Трансфердің нақты құны бонустарды қосқанда шамамен 75-85 млн еуроны құрайды деп күтілуде.

Журналистің ақпараты бойынша, «Бавария» ағылшын ойыншысы үшін мұндай соманы төлеуге дайын емес. Сондықтан қазіргі уақытта басқа кандидаттармен келіссөздер жалғасуда.