"Қайсар" Қазақстан кубогының матчында сенсация жасады

Қызылорданың «Қайсары» мен алматылық «Қайрат» Қазақстан Кубогының 1/8 финалында кездесті.

Ойын «Қайсар Арена» стадионында өтті. Кездесуге Астанадан келген Георгий Чеховский бастаған төрешілер бригадасы қызмет етті.

Командалардың бастапқы құрамдары төмендегідей болды:

«Қайсар»: Ковач, Аскаров, Төлегенов, Жұмабеков, Тәжібай, Әбікен, Қалдыбеков, Серікұлы, Жұмат, Мұхамед, Джонс;

«Қайрат»: Қалмұрза, Кургин, Базарбаев, Кенесбеков, Нұрғалиев, Себальос, Адиш, Дүйсенбек, Тұяқбаев, Бағдат, Рикардиньо.

Ойынның 4-минутында Айбол Әбікеннің айып соққысынан кейін Шерхан Қалмұрза допты қолынан шығарып алып, оны Ерсұлтан Қалдыбеков қақпаға бағыттады. Кейін қос команда шабуыл алмасып, 61-минутта Батырхан Тәжібай есепті еселей түсті. Ал 93-минутта Азамат Тұяқбаев есеп айырмасын қысқартты — 2:1.

Осылайша, «Қайсар» келесі кезеңге өтті. Енді олар Қостанайдың «Тобылымен» кездеседі.

Сонымен қатар ширек финалда астаналық «Жеңіс», петропавлдық «Қызылжар» және талдықорғандық «Жетісу» командалары да өнер көрсетеді.