Бұл ойында каталондық клуб 2:1 есебімен жеңіске жеткенімен, алғашқы матчта «матрасниктер» 2:0 есебімен басым болған еді. Кездесу Мадрид қаласындағы «Сивитас Метрополитано» стадионында өтті. Бас төреші — Клеман Тюрпен.
Ойынның 4-минутында Ламин Ямаль есеп ашып, «Барселонаны» алға шығарды. 24-минутта Ферран Торрес есепті еселей түсті. 31-минутта Адемола Лукман «Атлетиконың» бір голын қайтарды. 55-минутта Ферран Торрес тағы бір гол соқты, алайда офсайдқа байланысты есепке алынбады. 80-минутта қонақтар сапынан Эрик Гарсия қызыл қағаз алып, алаңнан қуылды.
Осылайша, екі матчтың қорытындысы бойынша «Атлетико» жартылай финалға өтті. Олар келесі кезеңде «Арсенал» мен «Спортинг» жұбының жеңімпазымен кездеседі.