Самат Смақов «Тураннан» кететінін жариялады

Қазақстан футболының аңызы Виктор Кумыковтың жаттықтырушылар штабындағы жұмысын аяқтайтынын айтты.

«Мен «Туран» футбол клубының басшылығына бұл клубта, осы жаңа жобада жұмыс істеуге мүмкіндік бергені үшін алғыс айтқым келеді. Бұл – үлкен мақсаттар мен міндеттерді көздейтін ауқымды жоба. Сондай-ақ жаттықтырушылар штабына, атап айтқанда бас бапкер Виктор Балютович Кумыковқа алғыс білдіремін. Ол маған хабарласып, жаттықтырушылар штабына шақырған болатын.

Мен бұл ұсынысты қуана қабылдадым. Бұл жерде өткізген уақытым мен үшін өте құнды болды. Әсіресе, Виктор Балютовичтің қол астында аз уақыт ішінде мол тәжірибе жинадым. Сондай-ақ, бірге жұмыс істеген жігіттерден де көп нәрсе үйрендім.

Бастапқыда келісім бойынша мен тамыз айының басына дейін, яғни 1 тамызға дейін көмектесемін деп келіскен едік. Себебі Виктор Балютовичтің денсаулығында аздаған қиындықтар болғандықтан, ол мені қасында болуға шақырды. Енді осы уақыт таяды. «Туран» футбол клубымен, жаттықтырушылар құрамымен, жігіттермен қоштасу өте қиын. Оларға маған құрметпен, түсіністікпен қарағаны, кеңестерімді тыңдағаны үшін алғыс айтамын. Бұл мен үшін өте жағымды», — деді Смақов.

Смақовтың алдағы жоспарларына келсек, ол жақын арада PRO санатындағы бапкерлік лицензия алуға оқуға кіріседі.

Ю«Алдағы жоспарларыма келсек, қазір үйге барып, отбасыммен бірге боламын. 4 тамызда Астанада PRO санатындағы лицензияға оқудың келесі модулі басталады, сонда боламын. Кейін жұмысқа қатысты көреміз, кеңесетін адамдарым бар, өйткені екі-үш қоңырау келіп түсті — келіссөздер жүріп жатыр, сондықтан әзірге нақты ештеңе айта алмаймын. Қазір ойым түгел оқуымда», — деп қосты ол.

Самат Смақов — Қазақстан құрамасының аңызы, ұлттық команданың көпжылдық капитаны және елдің алты дүркін чемпионы.

«Туран» қазіргі уақытта Қазақстан Бірінші лигасында өнер көрсетуде. 16 турдан кейін Виктор Кумыковтың командасы турнир кестесінде 12-орында тұр, 10 ұпай жинаған.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.