Жағажай футболынан Қазақстан құрамасы Бельгияны жеңді

Қазақстан — Бельгия матчы қалай өтті?

Кездесу Кишинев қаласында Еуролига аясында ұйымдастырылды.

Алғашқы кезеңде командалар есеп аша алмады. Екінші кезеңде Бельгия құрамасы алға шыққанымен Қазақстан сапынан Арман Шотанов мергендік танытып, таразы басын теңестірді.

Шешуші үшінші кезеңде бельгиялықтар тағы екі рет есепте алға шықты. Бірақ Дмитрий Демешко қарсылас қақпасын екі мәрте дәл көздеп, финалдық сиренаға санаулы секундтар қалғанда есепті 3:3-ке жеткізді.

Жеңімпаз пенальти сериясында анықталды

Негізгі уақыттан кейін жеңімпазды анықтау үшін пенальти сериясы өткізілді.

Қазақстан құрамасы сапында Деринг, Демешко және Ершин өз мүмкіндіктерін сәтті пайдаланды. Ал Бельгия ойыншылары үш соққының екеуін голға айналдыра алмады.

Нәтижесінде ұлттық құрама пенальти сериясында 3:1 есебімен жеңіске жетті.

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.