Олжас Байбосын: "Винисиус пен Мбаппе үйлеспейді"

Fonteam YouTube-арнасының кезекті подкастында Чемпиондар лигасының ширек финалдық ойындарына шолу болды.

Подкаст резиденті, танымал спорт журналисі Олжас Байбосын "Реалдың" жұлдыздары Килиан Мбаппе мен Винисиус Жуниор туралы өз пікірін білдірді:

"Мен айтамын ғой, екеуі үйлеспейді. Екеуі де мықты ойыншы, бірақ үйлеспейді, білмеймін неге екенін. Мбаппе бермей қойған кезде (пасты), Вини жынданып кетті ғой, ашуланып, боқтанып. Көрпені бір бірінен тартып жатыр".

Одан бөлек, футбол комментаторы команда да екі лидердің болғаны қате екенін де атап өтті:

"Кезінде, Криштиану бар кезде, бүкіл команда тек оған ойнайтын еді. Сен Бензема болсаң да, Бейл болсаң да, барлығы Роналдуға ойнайтын еді", - деді Олжас Байбосын.