Елдос Ахметов: ойын тең болды, барлығын өзгерткен Әбинұр Нұрымбет

Fonteam YouTube-арнасының кезекті шығарылымында подкаст резиденті, Қазақстан ұлттық құрама бас бапкерінің көмекшісі Елдос Ахметов "Қызылжар" – "Оқжетпес" ойынына қатысты сұрақ өз пікірін білдірді:

"Менің ойымша, бүгінгі ойында "Қызылжар" тең нәтижеге лайықты болды, өйткені мүмкіндіктер екі тараптада жеткілікті болды. Бірақ, бұл ойынның тағдырын шешкен сұрмерген – Әбинұр Нұрымбет. Сол аяғымен осындай соққы жасай алатынын ешкім білмеген еді осыған дейін. Негізгі аяғы емес еді, "істемейтін" аяқпен осындай соққы жасаса, оң аяқпен не жасай алады? Дегенмен, "Қызылжар" басын түсірген жоқ, соңғы секундқа дейін соққы жасап жатты. Тек қақпашының сұрапыл сейвтерінің арқасында "Оқжетпес" үш ұпайды аман алып қала алды", – деді Елдос Ахметов.