Елдос Ахметов "Атлетико" - "Арсенал" ойыны жайлы: жоғары деңгейдегі қорғанысты көрдік

Fonteam YouTube-арнасының кезекті подкастында Чемпиондар лигасының жартылай финалдық ойындарына шолу болды.

Подкаст резиденті, Қазақстан ұлттық құрама бапкерінің көмекшісі Елдос Ахметов “Атлетико” – “Арсенал” “ойыны жайлы өз пікірін білдірді:

“Жоғары деңгейдегі қорғанысты көрдік. Өйткені, екі ұжымда қорғаныста өте тамаша ойнайды. Доптан төмен орналасу керек деген жүйені екі команда да жақсы меңгерген. Білесіздер ғой, допты жоғалтсаң, доптан төмен орналасу қажет. Бірден, екі-үш сызыққа орналасып, қорғану қажет. Дәл осындай ойын өрнегінің керемет үлгісін көрсетті екі команда”, – деді Елдос Ахметов.

Естеріңізге салсақ, Чемпиондар лигасының жартылай финалының алғашқы матчында “Атлетико” өз алаңында лондондық “Арсеналмен” тең түсті, есеп 1:1.