Елдос Ахметов: "Невештің голы – үй дайындығы"

Fonteam YouTube-арнасының кезекті подкастында Чемпиондар лигасының жартылай финалдық ойындарына шолу болды.

Подкаст резиденті, танымал спорт комментаторы Олжас Байбосын ПСЖ – “Бавария” ойынында Жоао Невештің баспен соққан голына таң қалғанын айтып, Елдос Ахметовтан осыған байланысты сұрақ қойды.

Қазақстан ұлттық құрама бапкерінің көмекшісі Елдос Ахметов бұны футболдың қыр-сыры деді:

“Бұл енді футболдың сәл қыр-сыры ешкім білмейтін. Өйткені, бойшаң ойыншылардың барлығында стандарттық жағдайда кім кіммен ойнайтыны жазылып қояды. Бұл жерде бұл балаға қарсылас ойыншылар қатты көңіл бөлмейтінін Луис Энрике біліп, жаттығуда дайындалып нақышталған, барлығы алдын ала тағайындалған нәрсе”, – деді Елдос Ахметов.