Олжас Байбосын: Бейберекет хаосқа толы ойын болды

Fonteam YouTube-арнасының кезекті подкастында Чемпиондар лигасының жартылай финалдық ойындарына шолу болды.

Подкаст резиденті, танымал спорт комментаторы Олжас Байбосын ПСЖ – “Бавария” ойынына қатысты өз пікірін білдірді:

“Бұл ойынға байланысты Тьерри Анри пікір білдірген екен. Сол кісіні тыңдап, оқып жүрмін. Бұл матчта бейберекет хаос болды, өйткені бұндай жоғары деңгейдегі ойында тоғыз гол соғылмауы керек, қорғаныс қайда? Жүйелі система бұзылып кетті. Әрине, бізге жанкүйерлер ретінде қызық болды тоғыз голды көру, бірақ футболдық тұрғыдан талқыласақ, бұндай қателіктерді жібермеу керек еді, – деп Анридің ойымен келісті футбол маманы.

Естеріңізге салсақ, Чемпиондар лигасының жартылай финалының алғашқы ойынында ПСЖ өз алаңында 5:4 есебімен “Баварияны жеңе алды.