Олжас Байбосын: Мақсат Абраев "Астананың" үздік ойыншысы

Fonteam YouTube-арнасының кезекті подкастында Қазақстан Премьер–лигасының алтыншы турын ойындарына шолу болды.

Подкаст резиденті, танымал спорт журналисі Олжас Байбосын “Астананың” жас таланты Мақсат Абраев жайлы өз пікірін білдірді:

“Бұл ойында ерекше Абраевты мақтағым келіп отыр. Абраевтың голы енді тамаша болды. Ол мысалға жас футболшы болса да, өзіне жауапкершілік алудан қорықпай тұр ғой. Бізде кішкентай кезінен қорқытып тастайды ғой, теппе, пас бер деп, ондай мәселе бар ғой. Ал Мақсат болса, допты алды, пас берген жоқ, тепті, гол соқты. Тәуекел өзін өзі ақтады, Абраев “Астана” сапында маусымды керемет бастады. Үздік футболшысы клубтың деп айтсам болады”, – деді Олжас Байбосын.

Қазақстан Премьер–лигасының алтыншы турында “Елімай” Астанамен” өткен матчта тең тарқасты, есеп 2:2.