Әлімжан Асқар мен Елдос Ахметов Ринат Әлеуетовты мақтады

Fonteam YouTube-арнасының кезекті подкастында Қазақстан Премьер–лигасының алтыншы турын ойындарына шолу болды.

Подкаст жүргізушісі, белгілі комментатор және спорт журналисі Әлімжан Асқар “Оқжетпестің” ойын схемасына көңіл бөлді:

“Оқжетпес” футбол клубының алаң ортасындағы ойынын ерекше айтқым келіп тұр. Орталық алаңда бес алты футболшы ойнап, “Ордабасыға” мүлдем бермей қойды ғой ортаны Ринат Әлеуетовтың шәкірттері”.

Подкаст резиденті, Қазақстан ұлттық құрама бапкерінің көмекшісі Елдос Ахметов бұл ойды қолдап, бос кеңістік жайлы өз ойын білдірді:

“Бұл бір стиль. Ортаны берсең, ашып тастасаң, қақпаға ең барар жеңіл жол ол орта ғой. Ортаны жауып, тек шеттерден ғана бос кеңістік қалдырды”.