«Манчестер Юнайтед» «Галатасарайдың» көшбасшысына қызығушылық танытып отыр

Ағылшындық «Манчестер Юнайтед» түркиялық «Галатасарайдың» жартылай қорғаушысы Габриэль Сараны өз қатарына қосуды көздеп отыр. Бұл туралы Aksam басылымы хабарлайды.

Ақпарат көзінің мәліметінше, ағылшын клубы трансфер бойынша алғашқы қадамдарын жасап, түрік ұжымына 30 миллион еуро көлемінде ұсыныс жасаған. Алайда «Галатасарай» өз ойыншысын кем дегенде 35 миллион еуроға сатқысы келеді.

Футболшының өзі Премьер-лигада ойнауға қарсы емес. Өткен маусымда Габриэль Сара 45 матчқа қатысып, 2 гол соғып, 10 нәтижелі пас берген. Transfermarkt порталы оның нарықтық бағасын 22 миллион еуро деп бағалайды.