Уругвайлық қорғаушы ҚПЛ клубына оралмақ

Уругвайлық қорғаушы Кевин Ролон биыл жазда Қазақстан Премьер-лигасына қайта оралуы мүмкін. Бұл туралы AmanVIBE хабарлады.

«Менің ақпаратыма сәйкес, 25 жастағы футболшы өткен маусымды толық өткізген семейлік Елімай клубымен келіссөздердің соңғы кезеңіне жеткен.

2025 жылғы чемпионатта Ролон турнирдің үздік сол жақ қорғаушыларының бірі саналды. Елімай сапында уругвайлық футболшы 22 матч өткізіп, 4 гол соқты. Осылайша өз позициясындағы ең нәтижелі ойыншылардың біріне айналды.

Маусым аяқталғаннан кейін футболшы отбасылық жағдайға байланысты қазақстандық клубтан кетіп, содан бері ешбір командада ойнаған жоқ. Ролонның оралуы семейліктер үшін маусымның екінші бөлігінде үлкен күшейту болуы мүмкін», — деп жазады дереккөз.

Кевин Ролон Елімай құрамына 2025 жылдың ақпан айында уругвайлық Уондерерс клубынан ауысқан болатын. Ал биыл көктемде туған еліне оралып, Рентистас сапына қосылды. Transfermarkt порталы футболшының нарықтық құнын 600 мың еуроға бағалап отыр.